Andrea Rica (Vigo, 1984) é unha desas taekwondistas que tiña o taekwondo dentro antes incluso de practicalo por primeira vez. O que comezou como un xogo co seu curmán, pasou ser o máis importante da súa vida durante máis de vinte anos. A constancia, a tenacidade e o espírito competitivo son as súas armas, tanto antes no tapiz, como agora na súa vida. Hoxe imos coñecer un pouco máis a esta competidora nata que fala do seu deporte con amor e respecto máximo, porque o taekwondo está presente en todo o que é, o que quere, o que lle gusta e o que a rodea.
