AS PARELLAS CADETE E JÚNIOR ACADARON O PASE PARA A FINAL NO MUNDIAL DE TÉCNICA DE KOREA

Comezou o Mundial de Técnica e Freestyle de Korea (Goyang, do 21 ao 24 de abril) e nesta primeira xornada dúas parellas galegas acadaron a súa clasificación para a final.

As boas noticias chegaron da man das parellas cadete e júnior. A parella cadete, formada por Lucía Roca e Aitor Teijeiro, conseguiron a clasificación para a final de mañá como quintos clasificados. Na final terán como rival a México.

Pola súa banda a parella júnior Laura Álvarez e Daniel Arean lograron o pase como cuartos clasificados e na final enfrontaranse a Vietnam (quintos clasificados).

Ademais, na xornada de hoxe tamén competiron o trío 1 masculino (Álvaro Portela, Alex Losada, Carlos Rey) que quedaron moi preto da clasificación. Eran dous grupos de dez equipos cada un; lograban o pase os cinco mellores e Galicia foi sexto, nun grupo moi duro, cheo de asiáticos e Estados Unidos.

Tamén quedaron fóra o trío júnior feminino (Yaiza Velo, Karla Novo e Margarita Mora, esta última de Andalucía) e o quinteto (Celia García, Bárbara Di Martino, Alex Losada García, Gabriele Santomé, Uriel Pereira). O quinteto de freestyle de máis de 18 anos tivo unha magnífica actuación sobre todo tendo en conta que houbo un cambio de integrantes a falta de poucos días para a disputa do Mundial, polo que con pouco traballo en conxunto fixeron unha magnífica actuación, quedando na novena posición, igual que o trío júnior feminino.