No remate da tempada toca facer balance e os técnicos do Centro Galego de Tecnificación Deportiva non poden estar máis satisfeitos. Jesús Benito, como responsable da sección de taekwondo, felicita aos deportistas que “adestran con nós por todo o esforzo e adicación que amosan en cada adestramento e polos bos resultados que están a obter”. O corpo técnico, formado por Jesús Benito e Belén Asensio, tamén quixo agradecer á dirección do Centro, dependente da Xunta de Galicia, “polo apoio que nos proporciona e á Federación Galega, os clubs e os seus técnicos, que nos apoian e confían no noso traballo”.

Benito indicou que “cremos que imos polo bo camiño. Se en 2018 conseguimos clasificar a cinco deportistas para o Mundial Júnior, este tempada tamén estamos acadando moi bos resultados: Dous clasificados para o Mundial sénior (Mánchester 2019); un clasificado para o Europeo sub 21 (Varsovia 2018) e sete clasificados para os próximos campionatos de Europa, entre cadete, júnior e sub 21”.

Estes foron os resultados máis destacados dos nosos deportistas:

Alba Vidal (Kido): A pesar dos graves problemas físicos que veu arrastrando durante toda a tempada, foi capaz de realizar moi bo traballo. Acadou o bronce no Campionato de España sub 21.
Alejandro Paz Albores (Natural): Ouro no Campionato de Europa de Clubs, ouro no Campionato de España Júnior e clasificado para o Campionato de Europa Júnior.
Arlet Ortiz Benito (Mat´s): Ouro no Campionato de Europa de Clubs, Ouro no Campionato de España Sénior e participación no Campionato do mundo Sénior celebrado en Manchester.
Brais Iglesias Álvarez (Natural): Ouro no Campionato de España de clubs e bronce no Campionato de España sub 21.
Cloe Iglesias (Patiño): Ouro no Campionato de Europa Cadete, bronce no Campionato de Europa de Clubs, prata na Presiden Cup de Turquía, bronce no Campionato de España Júnior e clasificada para o Campionato de Europa Júnior.
Elena Pérez (Natural): Bronce no Campionato de Europa de Clubs, bronce no Campionato de España Sénior.
Giovanni Imparato (Mace Sport): Bronce no Campionato de España de Clubs, Ouro no Open de París, Ouro no Campionato de Clubs en Grecia e bronce no Campionato de España Júnior.
Iván García (Mat´s): Ouro no Campionato de Europa Clubs, ouro en Campionato de España Sénior, noveno no Campionato do Mundo sénior e quinto na Universiada.
Júnior Luciano (Neka): Bronce no Campionato de Europa de Clubs, Bronce no Campionato de España Sénior, Bronce nos MultiEuropean Games, Ouro Campionato de España Sub 21 e clasificado para o Campionato de Europa sub 21.
María González (Couto): Bronce no Campionato de España sub 21.
Miriam García (Patiño): Bronce no Campionato de Europa de Clubs, Prata Campionato de España sénior, Ouro Campionato de España sub 21 e clasificada para Campionato de Europa sub 21.
Pablo Patiño (Patiño): Prata no Campionato de Europa de club, bronce na President CUP Turquía, bronce nos MultiEuropean Games e clasificado para Campionato de Europa Júnior.
Sergio Troitiño (Mat´s): Ouro no Open de España, ouro no Campionato de Europa de clubs, ouro na President Cup de Alemaña, bronce no Campionato de España cadete e clasificado para o Campionato de Europa Cadete.
Unai Silva (Mace Sport): Bronce no Open de París, Prata no Campionato de España sub 21.