Chegan fantásticas novas dende Rhein-Ruhr (Alemaña), onde se están a celebrar os Xogos Mundiais Universitarios! Hoxe comezou a competición na modalidade de técnica, coa participación dos galegos Laura Álvarez (Neka) e Tomás Fernández Herrerín (Tao), que tiveron unhfantástica actuación, coroada con Tomás no podio.
Tomás Fernández Herrerín logrou a medalla de bronce na categoría individual masculina, por detrás de Korea (ouro) e Turquía (prata). Foi a primeira medalla da delegación española nos Xogos Mundiais Universitarios!
Non foi unha competición sinxela. Tomás arrincou ante Mongolia en 32avos de final e nos 16avos enfrontouse a China Taipei, superando ambas eliminatorias cunha gran actuación. Así logrou o pase á final na que, a pesar de que el pensa que non fixo un exercicio perfecto, o certo é que o levou á terceira posición. Explicounos que “gañar unha medalla nesta competición para min era como un soño, así que este bronce é un soño cumprido”.
Laura Álvarez acadou a 8ª posición na categoría individual feminina
Xuntos, como parella, conseguiron un meritorio 5º posto
Noraboa a ambos!
Agora, toca animar aos nosos competidores en combate, que competirán do 19 ao 23 de xullo:
- Alma Pérez
- Desirée Rivadulla
- Lois Tomás
