Quedan convocadas e convocados todos/-as os taekwondistas
pertencentes á Universidade de Vigo a participar nas probas
selectivas que se realizarán o vindeiro domingo 23 de marzo ás 11.00
no ximnasio As Sport de Vigo, para configurar o equipo, nas
modalidades de Combate e Poomsae, tanto en categoría
masculina coma feminina, que representará a esta universidade nos
próximos Campionatos de España Universitarios de
Taekwondo. Os responsables técnicos son Erea Andrade e Salvador Fontán.
É preciso estar inscrito/-a previamente no aplicativo Campus Activo.
Límite prazo de inscrición no aplicativo: martes
18 marzo ás 23.59.
Toda a información en:
https://campusactivo.uvigo.gal
1.- Nivel deportivo mínimo esixido para a competición:
o Estar en posesión do grao de cinto vermello e cumprir,
polo menos, unha das seguintes condicións:
• Ser medallista no Campionato de España absoluto, Sub-21
ou júnior de Taekwondo na última edición
celebrada.
• Ser medallista no Campionato de España Universitario de
Taekwondo na última edición celebrada.
• Ser medallista no Campinato Autonómico absoluto, Sub-21
ou júnior de Taekwondo na última edición celebrada.
o Se non cumprise ningún dos criterios anteriores o/a
responsble técnico podería ter en conta os resultados
en competicións nacionais e internacionais acadados
polo/a aspirante nas últimas tempadas e a súa
traxectoria deportiva xeral.
2.- O equipo representativo da Universidade de Vigo estará
integrado, na modalidade de Combate, por un alumno e unha
alumna por cada un dos pesos que inclúa o programa de
competición. Cando o/a deportista seleccionado/a fose o/a
medallista de ouro do CEU da edición anterior, excepcionalmente
poderá engadirse nesa categoría e peso un/unha
segundo/a deportista, sempre que cumpra os requisitos do punto 1
e que o permita o regulamento técnico da
competición.
No caso de presentarse varias persoas deportistas do mesmo peso,
seleccionarase a persoa que gañe as probas de
preselección que se celebrarán previamente.
Na modalidade de Poomsaes o equipo representativo estará
integrado por un home e unha muller, esta cifra poderá ser
incrementada baixo criterio técnico se o regulamento técnico da
competición o permitira e se seleccionará á persoa
deportista cos mellores resultados nas dúas últimas tempadas.
3.- Exclusións:
Resérvase o dereito de excluír do equipo a aquelas persoas
deportistas que, aínda reunindo os méritos precisos
presenten algunha das seguintes circunstancias:
-Non acudir ás concentracións ás que se lles convoque sen causa
xustificada e coa antelación precisa.
-Non dar o peso requerido nalgunha das concentracións ou adestramentos.
-Presentar un estado manifesto de mala forma que indique falta de
adestramento e, polo tanto, un alto grao de
desinterese ou falta de compromiso.
4.- Para facer a selección valoraranse, por esta orde, os seguintes aspectos:
o Resultados obtidos no Campionato Galego Universitario
e/ou nas probas de selección, no caso de que se
convoquen.
o Resultados obtidos en competicións oficiais ao longo da
tempada en curso.
o Valoración do/a responsable técnico/a.
