Dúas pratas e tres bronces para as e os nosos deportistas na segunda xornada do Europeo de Técnica e Freestyle, que se está a disputar estos días en Antalya (Turquía).
En técnica, os máis pequenos seguen a darnos alegrías. O trío cadete masculino -formado por Manu Paz Albores, Francisco Ramos e Rubén Galdó (Natural Sada)- logrou a medalla de prata.
Ademais, Celia García (Tao) –que participaba xunto a dúas competidoras de Murcia- logrou a medalla de bronce en trío 1.
Xa en freestyle houbo tres medallas máis. Na modalidade individual -17 anos masculina, Galicia contou con dos representantes no podio. Tomás Fernández (Kiap) logrou a medalla de prata, mentres que Manuel Paz (Hebe) foi bronce.
Por último, sinalar que o quinteto formado por Marcos Silva, Samuel Alves, Celia García, Tomás Fernández e Laura Vázquez, logrou a medalla de bronce.
Mañá continúa a competición e con máis galegos en liza e, esperamos, máis medallas que contar… Noraboa a todas e todos os nosos participantes!!!
