Hoxe, 17 de abril, celebrarase en La Nucía (Alacante) a Gala de Entrega dos Premios Nacionais de Taekwondo 2025, na que o taekwondo galego recibirá numerosos recoñecementos.
Así, o Mat’s será distinguido co premio ao club que máis destacou na promoción do taekwondo durante o ano 2025.
Ademais, Beatriz Isabel Queirós (campioa de Europa individual en máster 3 e bronce en parella máis de 60 anos) recibirá o premio nacional á deportista máis destacada do ano na modalidade de poomsae, mentres que na modalidade de combate o galardón masculino será para o galego Iván García (ouro no Grand Prix Challenge de Muju e campión de España e do Open de España).
Tamén haberá recoñecementos para o técnico Jesús Benito (adestrador do CGTD e de Iván García), quen será premiado como mellor técnico de competición da categoría absoluta masculina do ano.
Medallas de ouro ao mérito deportivo
Así mesmo, varios galegos e galegas recibirán medallas de ouro ao mérito deportivo: Jesús Benito, Ana Belén Asensio, José Miguel Patiño e José Ángel Torres.
