Esta fin de semana celebrouse en Sevilla o Campionato de España de Hapkido promesas e o “World Hapkido Championship” onde Galicia obtivo un meritorio terceiro posto. Esta edición tivo unha gran participación, habendo nalgunhas categorías máis de 30 participantes. Galicia conseguiu un total 18 medallas: Tres ouros, sete pratas e oito bronces.
Os ouros foron para Daniela Torrado e Jimena Rodríguez (parella infantil – Malamia); Saúl Servia e Yolanda Abal (parella sénior 2 CN – Sam Mu Dojang) e Pablo Fernández, Gema Pérez e Adrián Tizón (trío senior 2 – Sam Mu Dojang).
As medallas de prata foron recibidas por Eire Luis, Darío García e Miguel Carballeda (trío infantil – KYO); Jimena Babarro e Noelia Pérez (parella cadete – Sam Mu Dojang); Olalla Vázquez, Beira Vázquez e Lucía Fernández (trío júnior – Sam Mu Dojang); Gonzalo López e Diego Bande (parella master 1 – Sam Mu Dojang); Jorge Álvarez e José Luis Rodríguez (parella máster 1 CN – Garrapucho); José Manuel Pérez (individual máster 2 – Garrapucho) e en categoría grupo G3, grupo conformado por deportistas de 3 clubs diferentes: KYO – Malamia – Sam Mu Dojang.
E rematamos cos bronces. Os nosos medallistas son: Rubén Fernández e Xiana Crespo (parella júnior – Sam Mu Dojang); Daniel Torrado (individual sénior 2 – Malamia); Adrián Novoa (individual sénior 2 CN – KYO); Noemi Gil (individual máster 1 – Malamia); Fernando Docampo (individual máster 2 – Sam Mu Dojang); Mikel Vázquez e Jesús Vázquez (parella máster 2 CN – Moo Duk Kwan), en categoría grupo G2 (Sam Mu Dojang) e en categoría G3 CN, grupo formado por deportistas de 4 clubs, E. Garrapucho, KYO, Moo Duk Kwan E Sam Mu Dojang.
Parabén a todos os deportistas, polo seu esforzo, traballo e ilusión!
