Galicia estivo presente esta fin de semana no Open de Bélxica de Técnica e Freestyle e, coma sempre, as e os nosos deportistas renderon a un gran nivel e volven a casa con varias medallas no peto.
Así, Dani Areán e Laura Álvarez, que seguen a regalarnos grandes momentos, acadaron a medalla de ouro en parella -30 anos, mentres que o trío formado por Marco García, Alejandro Losada e Carlos Rey lograron a prata en trío -30. Ademais, hai que destacar os bronces de Virgina Sixto en máster 1 e de Mateo Fernández en júnior.
En Freestyle tamén houbo medallas galegas. Tomás Fernández logrou a prata en + 18 individual, igual que Nuria Rodríguez no seu caso en -17 anos.
Noraboa a todas e todos!
