Mañá sábado 12 de marzo estamos de estrea: Celébrase a primeira edición do Open Alda Sada Marina de técnica, freestyle e exhibición, que reunirá a máis de 600 deportistas (237 participacións) de Galicia, Andalucía, Extremadura e Asturias. É a primeira edición dun torneo que tiña previsto comezar no ano 2020, pero a pandemia da COVID-19 obrigou a retrasar o seu inicio ata o 2022.
O torneo, que é rankeable de técnica adulto e infantil, celebrarase en horario de mañá (a partir das 10:00 horas) e tarde no Pavillón Municipal de Sada, no que se instalarán catro tapices para a competición. Ademais, aproveitarase a ocasión para celebrar un adestramento de todas e todos os deportistas clasificados para o Mundial de Técnica de Korea.
