O taekwondo galego volverá ter unha presenza destacada nunha gran cita internacional. O Campionato de Europa Sub-21, que se celebra en Kosovo entre o 11 e o 14 de decembro, contará coa participación de oito deportistas galegos, os cales acadaron a súa clasificación no Campionato de España da categoría, ou noutras citas internacionais.
Este Europeo chega, ademais, poucos días despois do Campionato do Mundo Sub-21 celebrado en Nairobi, onde a galega Carla Sesar logrou unha brillante medalla de prata, coa que puxo o broche de ouro a unha campaña excepcional.
A representación galega
As e os taekwondistas galegos clasificados para competir co equipo español son:
Carla Sesar (-57 kg, Natural Sport), Helena García (-73 kg, Dobok), Elisa Fernández (-53 kg, Garrapucho), Javi Otero (-54 kg, Natural Sport), Adrián Davila (-54 kg, Kae Sport), Adrián Salanova (-68 kg, Maniotas), Iago Mallo (-80 kg, Tao) e Sergio Troitiño (-87 kg, Mat’s),
A expedición galega complétase coa presenza dos técnicos Raúl Bouzas e Belén Asensio, que forman parte do equipo nacional, e de Carlos Manzano, que viaxa como adestrador do seu deportista, Adrián Davila.
Calendario de competición
A participación galega no Europeo desenvolverase da seguinte maneira:
11 de decembro:
Elisa Fernández (-53 kg)
12 de decembro:
Javi Otero (-54 kg)
Adrián Davila (-54 kg)
Iago Mallo (-80 kg)
Sergio Troitiño (-87 kg)
13 de decembro:
Carla Sesar (-57 kg)
Helena García (-73 kg)
14 de decembro:
Adrián Salanova (-68 kg), que pechará a participación galega
Moita sorte a todas e todos os nosos deportistas, que pechan con este torneo un ano excepcional no aspecto deportivo.
